يەر شارىدىكى تۇنجى ئۈنئالغۇغا ئېلىنغان ئاۋاز

كىشىلەر ئۈنئالغۇنى ئېدىسون كەشپ قىلغان دەپ قاراپ كەلگەن ئىدى. ئېدىسون كەشپ قىلغان تۇنجى ئۈن لىنتىسى (ماگنېت يالىتىلغان قەغەز) گە «Mary had a little lamb» دىگەن بىر جۈملە ئېدىسوننىڭ سۆزى ئېلىنغان. مەنىسى «مارىيەنىڭ بىر پاقلىنى بار.» ئەمما يېقىندا ئامېرىكىنىڭ بىر تارىخى تەتقىقات گۇرۇپپىسى پارىژدىكى بىر ئارخىپ ئامبىرىدىن ئېدىسوندىن بۇرۇنراق ئۈنگە ئېلىنغان «ئۈنئالغۇ لىنتىسى- ماگنېت يالىتىلغان قەغەز» نى بايقىدى. مەزكۇر لىنتىغا فرانسىيە خەلق ناخشىسىدىكى «Au Clair de la Lune» دىگەن بىر مىسرا ئېلىنغان. ۋاقتى 10 سېكونتلۇق. مەزكۇر ئاۋازنىڭ ئېلىنغان ۋاقتى 1860-يىلغا توغرا كېلىدىكەن. شۇڭلاشقا ئالىملار ئۈنئالغۇنى ئېدىسون كەشپ قىلغان دىگەن قاراشقا قارىتا باشقىچە چۈشەنچە بەردى. دىمەك تۇنجى قېتىملىق ئۈن ئېلىش فرانسىيەدە كەشپ قىلىنغان. مەزكۇر كەشپىياتنى ۋۇجۇتقا چىقارغۇچى فرانسىيىلىك Édouard-Léon Scott de Martinville ئىسىملىك خەت ئۇرۇش ئىشچىسى. ئەمما ئېدۋارد لېئون ئەينى چاغدا پەقەت ئۈن ئېلىشنىلا بىلگەن. ئەمما ئۇ ئالغان ئۈننى قويغىلى بولمىغان. بۇ ئۈن كېيىن ئامېرىكا لورا بېركلىي تەتقىقات مەركىزىدىكى ئالىملار (Lawrence Berkeley) تەرىپىدىن مۇۋەپپەقىيەتلىك قويۇپ چىقىرىلدى.
شۇنداق قىلىپ بۇ ماقالە ئارقىلىق ئۈنئالغۇنى ئېدىسون كەشپ قىلغان دىگەن قاراشقا قايتا ئېنىقلىما بېرىمىز. ئەلۋەتتە بۇ يەردە ئېدىسوننىڭ مىڭلىغان كەشپىياتلىرىنى يوققا چىقارغىنىمىز يوق. ئېدىسون يەنىلا ھەم ئۈنئالغىلى بولىدىغان ھەم قويغىلى بولىدىغان ئۈنئالغۇ كەشپ قىلغۇچى.

Wordpress 2.5 نۇسخا ئېلان قىلىندى

بۈگۈن دۇنيادىكى ئەڭ داڭلىق بلوگ پروگراممىسى بولغان WordPress نىڭ 2.5 نۇسخىسى ئاخىرى ئېلان قىلىندى. مەزكۇر بلوگ پروگراممىسى PHP دا تۈزۈلگەن بولۇپ، ھازىرغىچە ئەڭ مۇقىم ۋە ئىشەنچىلىك، قوللىنىشچانلىقى كۈچلۈك بلوگ پروگراممىسى بولۇپ ھىسابلىنىدۇ. بۇندىن ئىلگىرى نۇرغۇنلىغان BSP تەمىنلىگۈچىلەر WordPress نى ئىشلەتكەن. ھەمدە WordPress باش شىركىتىمۇ wordpress.com نامىدا ھەقسىز بلوگ بىلەن تەمىنلىگەن. باش شىتابى ئامېرىكىغا جايلاشقان مەزكۇر بلوگ پروگراممىسىغا Uyghurche نامىدىكى (ئۇيغۇر لاتىن يېزىق) تىل بولىقىمۇ قوشۇلغان.
WordPress 2.5 نى تۈزۈشكە جەمئى 185 كۈن ۋاقت كەتكەن. 54008 دانە يېڭى ئىقتىدار قوشۇلغان. بۇرۇنقى نەشىردىكى 1300 دىن ئارتۇق ئورۇن ئۆزگەرتىلگەن. ئەسلىدە ئىشلىتىۋاتقان WordPress نىڭ كونا نەشىرىنى ئاپتوماتىك يېڭىلاپ يېڭى نەشىرىگە ئالماشتۇرۇشقا بولىدۇ. سانداننى يېڭىلىغاندىن كېيىن يېڭى نەشىردىكى WordPress نىڭ ئۇسلۇبىغا ئۆتىدۇ.
مەن ئىلگىرى بۇنى ئىشلىتىپ باققان. ئەڭ چاتاق يېرى Javascript نى قوللاش ئىقتىدارى تاقىۋېتىلگەن، شۇڭلاشقا مەن ئىشلىتىشتىن ۋاز كەچكەن ئىدىم. بۇ قېتىمقى نەشىرىدە مەزكۇر ئىقتىدار قوشۇلدىمۇ يوق بىلمەيمەن. گەرچە Javascript نى ئارقا بەتتە بىۋاستە قوشقىلى بولمىسىمۇ، ئۇسلۇبنى تەھرىرلەش ئارقىلىق قوشىۋەتكىلى بولاتتى، ئەمما بۇنداق ئاۋارچىلىقلارنى ئانچە ياقتۇرمايمەن.
يېڭى نەشىردىكى (ئېنگلىزچە) wordpress پروگراممىسىنى بۇ يەردىن چۈشۈرەلەيسىز
http://www.wordpress.org/download

Adsense ئېلانى قويۇشتا دىققەت قىلىدىغان ئىككى نۇقتا

بەزى دوستلارنىڭ Adsense ھىساباتى Google شىركىتى تەرىپىدىن مەجبۇرى تاقىۋىتىلدى، سەۋەبى تۈزۈمگە خىلاپلىق قىلغان. بەزىلەر بىلىپ بىلمەي ئېلان كېلىشىمىگە خىلاپلىق قىلىدۇ، چۈنكى مەندىن باشقا بىرەرسى بۇ ئېلان كېلشىمىنى تەپسىلى ئوقۇمىدىمىكىن دەيمەن. تۆۋەندە مۇھىم دىققەت قىلىدىغان ئىككى نوقتىنى چۈشەندۈرۈپ قوياي:
1. ئېلان چوڭ خەتلىك ئۇلىنىش ياكى ماۋزۇنىڭ ئاستىغىلا قويۇلسا تۈزۈمگە خىلاپ
ئېلاننى چوڭ خەتلىك سەرلەۋھە ياكى ماۋزۇنىڭ ئاستىغا ئورۇنلاشتۇرۇشقا بولمايدۇ. بۇ يەردە دىمەكچى بولغىنىم پەقەت ماۋزۇ بىلەن ئېلاننىڭ ئارلىقىدا مەزمۇن بولمىسا بولمايدۇ دىگەنلىك. مەسلەن : «بۈگۈنكى يېڭى خەۋەرلەر»، «ئەڭ قىززىقارلىق ئىشلار» دىگەندەك ماۋزۇ قويۇپلا ئاستىغا ئېلان ئورۇنلاشتۇرۇپ قويۇشقا بولمايدۇ. تۆۋەندىكى رەسىمدىكىدەك.

2. ئېلان ئەتراپىغا ئېلانغا ئوخشايدىغان شەكىلدە مەزمۇن ئورۇنلاشتۇرۇشقا بولمايدۇ. ئېلاننى چوقۇم تور بەتتىكى باشقا مەزمۇنلاردىن پەرق ئەتكىلى بولىشى كېرەك. سىز ئېلاننىڭ ئالدى – كەينى ۋە ئىككى تەرىپىگە شەكلى ۋە قۇرۇلمىسى پۈتۈنلەي ئېلانغا ئوپمۇ-ئوخشاش ئۇلىنىش ياكى مەزمۇنلارنى ئورۇنلاشتۇرۇپ زىيارەتچىلەرنى قايمۇقتۇرسىڭىز تۈزۈمگە خىلاپلىق قىلغان بولىسىز. تۆۋەندىكى رەسىمدىكىدەك:

بەيدۇ شىركىتى مۇڭداشقۇ چىقاردى

بەيدۇ شىركىتى تۆنۈگۈن ئۆزىنىڭ IM قورالىنى ئېلان قىلدى. مەزكۇر قورال MSN ۋە QQ غا ئوخشاش پاراڭلىشىش قورالى بولۇپ، مەن قاراپ باقسام بۇ قورالنىڭ سىرىتقى يۈزى ۋە كۆپۈنچە ئىقتىدارى MSN بىلەن ئوخشاشكەن. بەيدۇ جۇڭگودىكى ئەڭ چوڭ خەنزۇچە ئىزدەيدىغانئىزدەيدىغان تور بېكەت ۋە شىركەت. ئىناۋىتى يۇقىرى بۇ شىركەتنىڭ IM قورالى ناھايىتى تېزلا قارشى ئېلىنىشى ۋە QQ دەك ئومۇملىشىشى مۇمكىن. بەيدۇ شىركىتى بۇ قورالغا «بەيدۇ Hi » دەپ ئىسىم قويغان. بۇ يەردىن «بەيدۇ Hi» نى چۈشۈرەلەيسىز ۋە مۇناسىۋەلىك ئۇچۇرلارغا ئىگە بولالايسىز.

Adsense ئىلتىماس قىلىش تەپسىلى ئۇسۇلى – رەسىملىك

مەن تەكلىماكان بلوگدا «كۈندە 100 دوللار تېپىش ئۇسۇلى» ناملىق ماقالىنى يازغاندىن كېيىن نۇرغۇن دوستلار ماقالىدە ئېيتىلغىنى بويىچە كۈنىگە يۈز دوللارلىق كىرىم ئۈچۈن تىرىشچانلىق كۆرسەتتى. ئەمما كۆپۈنچە دوستلار يەنىلا Adsense ھىساباتى ئېلىشتا قىينالغان. ئالدىنقى قېتىم بۇ ھەقتە بىر ماقالە يازغاندا يەنە نۇرغۇن تورداشلار رەسىملىك بىر چۈشەندۈرۈش يېزىشنى ئېيتىپتۇ. شۇڭلاشقا بۇ قېتىم پۈتۈنلەي باشتىن باشلاپ يازدىم. ئەسكەرتىدىغىنىم يەنە شۇكى ئارتۇقچە ھەركەت قىلماڭ. مەن چۈشەندۈرگەن بويىچە قىلسىڭىزلا چوقۇم مۇۋەپپەقىيەتلىك ھالدا Adsense ھىساباتىغا تىزىملىتالايسىز. بۇ قېتىم خەنزۇچە بىلمەيدىغانلارمۇ تىزىملىتالايدۇ. قېىنى تۆۋەندىكى رەسىملىك چۈشەندۈرۈش بويچە قىلىڭ.
Adsense ھىساباتى ئىلتىماس قىلىش ئۈچۈن بىر دانە بلوگ بولىشى كېرەك. تور بەت بولسىمۇ بولىدۇ. ئەگەر شەخسى تور بەتكە ئىلتىماس قىلماقچى بولسىڭىز تور بەت قۇرۇلغىنىغا چوقۇم ئالتە ئاي بولغان بولىشى ھەم 1-دەرىجىلىك تور نامى بولىشى كېرەك. ھەم تور بېكەتكە قويىدىغان نۇرغۇن شەرتلەر بار. بلوگ ئارقىلىق ئىلتىماس قىلغاندا بۇنداق شەرتلەر يوق. ھەم تېز سۈرئەتتە ئالغىلى بولىدۇ. Adsense ئېلانىغا مۇۋەپپەقىيەتلىك تىزىملىتىۋالغاندىن كېيىن ئېلان كودىنى ھەرقانداق بىر تور بېكەتكە قويسىڭىز تامامەن بولىدۇ. Google بۇنىڭغا چەك قويمىغان. ئەلۋەتتە سىز Adsense ئىلتىماس قىلغاندا ئىشلەتكەن بلوگدىن باشقا يەنە باشقا تور بەت ياكى بلوگلارغىمۇ ئېلان قويسىڭىز بولىۋېرىدۇ. ئەمما بۇ تور بەتلەر چوقۇم Google كىلشىمىگە ئۇيغۇن، قانۇنلۇق ۋە ساغلام بولىشى كېرەك. شۇڭلاشقا ئەڭ مۇھىمى يەنىلا Adsense ئېلانىغا ئىلتىماس قىلىش.
بلوگ ئارقىلىق ئىلتىماس قىلغانلىقىمىز ئۈچۈن بىر دانە بلوگ بولىشى كېرەك. مەن باشتىن باشلاپ سۆزلەي. بلوگنى چوقۇم http://www.blogger.com دىن ئالىمىز. باشقا ھەرقانداق ئورۇندىكى ھەقسىز BSP دىن ئالغان بلوگلارغا Adsense ئىلتىماس قىلغىلى بولمايدۇ. ئىلتىماس قىلىپ بولغاندىن كېيىن ئېلاننى باشقا بلوگلارغا قويساقمۇ بولىدۇ. ئەمما چوقۇم ئىلتىماس قىلغاندا http://www.blogger.com دىن ئىلتىماس قىلىمىز. شۇڭلاشقا ھازىر قىلىدىغان ئىش دەرھال :
http://www.blogger.com نى ئېچىڭ.
تۆۋەندىكى رەسىمدە كۆرسىتىلگەن بلوگ ئېچىش دىگەن ئورۇننى چېكىڭ
(ئەسكەرتىش : ئەگەر سىزنىڭ ئاللىبۇرۇن بىر دانە مەزكۇر ئورۇندا بلوگىڭىز بولسا تۆۋەندىكى بىر نەچچە قەدەمنى قايتا تەكرارلاش ھاجەتسىز. ياكى باشتىن باشلىسىڭىزمۇ بولىدۇ.)

ئەمدى تۆۋەندىكى رەسىمدىكىدەك كۆزنەك ئېچىلىدۇ. بۇ چاغدا رەسىمدە كۆرسىتىلگىنى بويچە تولدۇرىمىز.
ئۇچۇرلارنى تولدۇرۇپ بولغاندىن كىيىن داۋاملاشتۇرۇشنى بېسىڭ.
بۇ چاغدا بلوگقا ئىسىم قويۇش بېتى ئېچىلىدۇ. سىز ئالماقچى بولغان بلوگقا ئىسىم قويىشىڭىز ۋە خەلقئارالىق تور ئادرېسىنى بېكىتىشىڭىز كېرەك. بۇلارنى كېيىن ئۆزگەرتكىلى بولىدۇ، شۇڭلاشقا بەك زىغىرلاپ كەتمەي ئۇزۇنراق، سەترەك بولسىمۇ تېزراق بىر ئىسىم تاللاڭ. دىققەت قىلىڭ. بىز ئېلان ئىلتىماس قىلىش ئۈچۈن جۇڭگودا بولساق چوقۇم خەنزۇچە بلوگ ئارقىلىق ئىلتىماس قىلىمىز. شۇڭلاشقا بلوگ نامىغا خەنزۇچە ئىسىم قويۇڭ. ئارتۇقچە پىكىر يۈرگۈزمەي مەن دىگەندەك قىلىڭ.
ئېلخەتكە چوقۇم Gmail.com دىن ئالغان ئېلخەتنى ئىشلىتىڭ. باشقىسى بولمايدۇ.
داۋاملاشتۇرۇشنى باسقاندىن كېيىن بلوگقا ئۇسلۇب تاللاش بېتىگە كىرىدۇ. بۇ جايدىن خالىغان بىر ئۇسلۇبنى تاللاپ،داۋاملاشتۇرۇڭ. ئۇسلۇبنىمۇ كېيىن ئۆزگەرتكىلى ۋە ئۇيغۇرچىلاشتۇرغىلى بولىدۇ، شۇڭلاشقا بۇمۇ ئانچە مۇھىم ئەمەس. خالىغان بىر ئۇسلۇبنى تاللاڭ. دەرھال داۋاملاشتۇرۇڭ.
ئاندىن ماقالە يېزىشنى باشلاش بېتىگە كىرىدۇ. رەسىمدە كۆرسىتىلگەن ئورۇننى چېكىڭ
ماقالە يېزىش بېتى ئىنتايىن ئاددى. ماقالە تېمىسى، ماقالە مەزمۇنى، ھالقىلىق سۆز ۋە باشقىلارنى تولدۇرغاندىن كېيىن ماقالىنى يوللىساق بولىدۇ.
قەتئى دىققەت قىلىڭكى : ماقالە چوقۇم خەنزۇچە يېزىلسۇن. ماقالە ھەرگىز باشقا ھىچقانداق تور بەت ياكى كىتابتىن كۆچۈرۈپ كېلىنمىسۇن. چوقۇم ئىجادىي بولسۇن. مەن سىزدىن چوڭ-چوڭ ئىلمىي ماقالە يېزىڭ دەپ تەلەپ قىلىۋاتمەيمەن. مەيلى ۋەلىسپىتىم بۈگۈن تىشىلىپ كەتتى، ئانام زۇكام بوپ قاپتۇ دىگەندەك تۇرمۇشتىكى ئۇششاق-چۈششەك ئىشلار بولسۇن ۋە ياكى بۈگۈن پالانى كىنونى كۆرۈپ مانداق تەسىرلەندىم يەي دىگەندەك تەسىراتلار بولسۇن چوقۇم ئۆزىڭىز يېزىڭ. ئەگەر خەنزۇچە يازالمىسىڭىز بىلىك كۇلۇبى ياكى تەكلىماكان بلوگقا كىرىپ، ئۆزىڭىز يازماقچى بولغان مەزمۇننى ئۇيغۇرچە يېزىپ، تەرجىمە قىلىپ بېرىشنى مۇراجەت قىلسىڭىز تورداشلار بىردەمدە تەرجىمە قىلىپ بېرىدۇ.
ئاۋۇ رەسىمدە كۆرسىتىلگەن 发帖 دىگەن خەنزۇچە خەتنى چېكىپ ماقالە يازىمىز، ھەر قېتىم ماقالە يېزىش ئۈچۈن مۇشۇ جاينى چېكىمىز. ئۇنتۇپ قالماڭ. ماقالە ئاز بولۇپ قالمىسۇن. چوقۇم 10 پارچىدىن كۆپ بولسۇن. بۇ ئون پارچە ماقالىنى بىر كۈندىلا يېزىپ بولماڭ. ئەڭ ئاز دىگەندە ئۈچ كۈندە يېزىڭ. بۇ تېمىنى بۈگۈن ئوقۇشنى مۇشۇ يەردە ئاخىرلاشتۇرۇپ، ئۈچ كۈن ماقالە يازغاندىن كېيىن ئاندىن داۋاملاشتۇرۇپ ئوقۇسىڭىز بولىدۇ. دىققەت قىلىڭ. مەن دىگەندەك قىلمىسڭىز ئېلان ھىساباتى ئالالمايسىز. شۇڭلاشقا قەتئى شۇنداق قىلىڭ.
يەنە ئەسكەرتەي : ماقالە خەنزۇچە يېزىلسۇن. چوقۇم ئۆزىڭىز يېزىڭ. باشقا جايدىن كۆچۈرۈمەڭ. ئون پارچىدىن ئارتۇق ماقالە يېزىڭ. ئون پارچە ماقالىنى يېزىشقا ئەڭ كەم دىگەندە ئۈچ كۈن ۋاقت كەتسۇن. بىر كۈندىلا قوپۇرلغان تام ئۆرۈلۈپ كېتىدۇ. شۇڭلاشقا بۇ تېمىنى ئوقۇشنى دەرھال توختىتىپ تۆتىنچى كۈنى داۋاملاشتۇرۇڭ. ئۇ ۋاقتقىچە بلوگىڭىزدا ماقالە يېزىڭ.

ئەمدى 4-كۈنى. سىز بۇ چاغدا بلوگقا ئاللىبۇرۇن 10 پارچىدىن ئارتۇق خەنزۇچە ئىجادىي مەزمۇن يېزىپ بولغان بولىسىز. دىمەك ھازىر سىزنىڭ بلوگىڭىزنىڭ ئېلان ئىلتىماس قىلىشقا شەرتى تولۇق توشىدۇ. ئەمدى http://www.blogger.com نى ئېچىڭ. ۋە ئۈچ كۈن بۇرۇن تىزىملاتقان ھىساباتنى كىرگۈزۈپ بلوگ ئارقا سەھنىسىگە كىرىڭ. رەسىمدە كۆرسىتىلگەن ئورۇننى چېكىپ ئۇسلۇب ئۆزگەرتىش بېتىگە كىرىڭ.
كىرگەندىن كېيىن رەسىمدە كۆرسىتىلگىنى بويىچە Html تەھرىرلەش ئورنىغا كىرىڭ. سىز بۇ يەردە كۆپ نەرسىلەرنى ئاقتۇرماي بەتنىڭ ئەڭ ئاستىغىراق قاراڭ. مەن تۆۋەندىكى رەسىمنىڭ چوڭ بولۇپ كەتمەسلىكى ئۈچۈن كودلارنى ئۆچۈرۋەتتىم. ئەمما سىزنىڭ ئېكرانىڭىزدا بىر مۇنچە قالايمىقان كود رامكىسى بار، سىز شۇ رامكىنىڭ ئاستىغا قاراڭ. ۋە رەسىمدە كۆرسىتىلگەن 还原到经典模板 دىگەن خەتنى چېكىڭ.
بۇ چاغدا بىر جەزىملەشتۈرۈش كىچىك كۆزنىكى چىقىدۇ، سىز جەزىملەشتۈرۈڭ. ئاندىن قارىسىڭىز بلوگ ئارقا سەھنىسىدە Adsense دەيدىغان يەنە بىر تۈر كۆپىيىپ قالىدۇ. ئەمدى ئېلان ئىلتىماس قىلىشنى باشلايمىز. Adsense دىگەننى چېكىڭ. تۆۋەندىكى رەسىمدە كۆرسىتىلگەندەك.
چەككەندىن كېيىن تۆۋەندىكىدەك كۆزنەك ئېچىلىدۇ. سىز بۇ جايغا ھىچنىمە تولدۇرمىسىڭىزمۇ بولىدۇ. ئەگەر كۆرۈنگەن ئۇچۇرلاردا خاتالىق بولسا توغىرلاپ قويۇڭ. مەسلەن ئېلخەت ئادرېسىڭىز چوقۇم Gmail مۇ ؟ بلوگ تىلى چوقۇم 中文 مۇ، ئېلخەت تىلى چوقۇم 中文 مۇ دىگەنلەرگە دىققەت قىلىپ قويۇپلا داۋاملاشتۇرۇڭ. ئاستىدىكى 创建帐户 دىگەننى چېكىڭ.
بۇ جەزىملەشتۈرۈش خېتى. تۆۋەندىكى رەسىمدە كۆرسىتىلگەن ئورۇننى چېكىڭ. چەككەندىن كېيىن ئەگەر مەن دىگەن باسقۇچلارنى مەن دىگەن تەلەپ بويچە ئورۇندىغان بولسىڭىز ئېلخەت ساندۇقىغا Adsense ئىلتىماس جەدۋىلى يېتىپ بارىدۇ. ئەگەر بلوگ مەزمۇنىنى ئۆزىڭىز يازماي باشقا جايدىن كۆچۈرۈسىڭىز، ياكى بلوگدا خەنزۇچىدىن باشقا تىللارنى ئىشلەتسىڭىز، سەزگۈر، قانۇنسىز، شەھۋانى ياكى ھەرقانداق بولمىغۇر مەزمۇنلاردا بلوگ يازسىڭىز ئېلخەت ساندۇقىڭىزغا خەت كەلمەيدۇ. يەنە دىققەت قىلىڭ. ئۇيغۇرلارنى تونۇشتۇرىدىغان ماقالىلارنىمۇ يازماڭ. بلوگدا مىللەت، ئۇ – بۇ دىگەندەك گەپ سۆزلەر بولمىسۇن. بىر بولسا ئاددىي تۇرمۇشتىكى ئىشلار ياكى يۇمشاق دېتال ھەققىدىكى تەسىراتلار ياكى تور بېكەتلەرنىڭ مەشغۇلات قائىدىسىنى تونۇشتۇرىدىغان مەزمۇنلار دىگەندەكلەر بولسۇن. ئۇيغۇرلار بلوگ يازغاندا بىر دىققەت قىلمايدىغان ئىش باركەن. نىمۇ دىسە ھەممىسى ئەڭ ئاۋال ئۇيغۇرلار ياكى يۇرتىمىز ھەققىدە بىر نەچچە پارچە كۆچۈرۈلمە ماقالىنى يېزىۋېتىدىكەن. مەسلەن ئۇيغۇر تائاملىرى، ئۇيغۇر مۇقامى، ئۇيغۇر ئۇسۇلى، ئۇيغۇر خەلقى، ناخشا مۇزىكىلىرى دىگەندەك. سىزگە شۇنى دەپ قوياي. بۇنداق مەزمۇنلار بىلەن تولغان بلوگدا ئېلان ئىلتىماس قىلغىلى بولمايدۇ، شۇڭلاشقا مەن دىگەن بويچە قىلىڭ. ھازىرقى مەقسەت Google ئېلانىنى مۇۋەپپەقىيەتلىك ئېلىش.
سىز ئېلخەت ساندۇقىڭىزنى ئاچقاندىن كېيىن بىر پارچە Google Adsense نامىدىكى خەت كەلگەن بولىدۇ. خەتتىكى ئەڭ ئۇزۇن ئۇلىنىشنى كۆچۈرۈپ ئادرېس رامكىسىغا چاپلاڭ. ياكى بىۋاستە چېكىڭ. بۇ چاغدا تۆۋەندە رەسىمدە كۆرسىتىلگەندەك Adsense ھىسابات ئۇچۇرلىرىنى تولدۇرۇش بېتى ئېچىلىدۇ. مەن رەسىمدە كۆرسەتكەن پىنيىنچە دىگەننى چوقۇم پىنيىنچە يېزىڭ. ئېنگلىزچە دىگەننى چوقۇم ئېنگلىزچە يېزىڭ. ئەگەر يۇرت-مەھەللىڭىزنىڭ ئېنگلىزچە ھۆكۈمەت ھۆججەتلىرىدە ئېتراپ قىلىدىغان ئۆلچەملەشكەن نامى بولمىسا ئۇ ھالدا پىنيىنچە يېزىڭ.

خەنزۇچە يېزىڭ دىگەننى چوقۇم خەنزۇچە يېزىڭ.
تاللاش رامكىسىنىڭ ھەممىنى تولۇق تاللاڭ.
يۇقارقلارنى تولۇق تولدۇرۇپ بولغاندىن كېيىن 提交信息 نى چەكسىڭىز يېڭى بىر بەت ئېچىلىپ، ئەگەر مەن كۆرسەتكەن بويىچە توغرا تولدۇرغان بولسىڭىز جەزىملەشتۈرۈڭ دەپ خەت چىقىدۇ، سىز جەزىملەشتۈرسىڭىزلا ئىش تامام. ئەگەر خاتالىق كۆرۈلگەن بولسا خاتالىق ئۇچۇرى چىقىپ، خاتا بولۇپ قالغان جايلار قىزىل رەڭدە كۆرۈنىدۇ، سىز بۇ چاغدا مەن كۆرسەتكەن بويىچە تۈزىتىڭ.
توغرا بولغان بولسا جەزىملەشتۈرگەندىن كېيىن يەنە تەخمىنەن 48 سائەت ساقلىسىڭىز ئېلخەت ساندۇقىڭىزغا سىزنىڭ ئېلان ھىساباتىڭىز تەستىقلىغانلىق ئۇچۇرى كېلىدۇ. ئەگەر سىز جۈمە، شەنبە، يەكشەنبە كۈنلىرى مەشغۇلات قىلغان بولسىڭىز بەلكىم تەستىقلاش ئۇچۇرى كېچىكىپرەك كېلىپ قېلىشى مۇمكىن. يەنە بىر گەپنى قوشۇپ قوياي. ئەگەر تەستىقلىماسلىق ئۇچۇرى كېلىپ قالغان بولسا سىز چوقۇم مەن دىگەندەك قىلماي ئۆز بېشىمچىلىق قىلغان. قايتا مەن دىگەندەك قىلىپ قايتا ئىلتىماس قىلىڭ.
Adsense ئىلتىماس قىلىشنىڭ يەنە بىر خىل ئۇسۇلى

بلوگدا ئۇيغۇرچە بىلەن لاتىنچە ھەرپلەرنىڭ ئورنىنى مۇقىملاش

بلوگدا ئۇيغۇرچە خەت بىلەن لاتىنچە خەتلەرنىڭ ئورنىنىڭ ئالمىشىپ كېتىش مەسلىسىنى ھەل قىلىش ئۈچۈن Blogger ئارقا سەھنىسىدىن كىرىپ. Html تەھىرلەيدىغان ئورۇنغا تۆۋەندىكى كودنى چاپلاپ قويساق بولىدۇ:
html { direction:rtl }
دىققەت بۇ كودنى چوقۇم Updated by blogger team دىگەن جۈملىدىن كېيىنكى ئۇزۇن سىزىقنىڭ ئاستىغا چاپلاڭ.
Variable definitions دىگەن قۇرنىڭ ئۈستىگە. ئەگەر بۇ جۈملىلەرنى تاپالمىسىڭىز بارلىق كودنى خاتېرە دەپتەرگە كۆچۈرۋېلىپ، خاتېرە دەپتەرنىڭ 编辑 تۈرىدىن 查找 ئارقىلىق. updated by blogger team دىگەننى ئىزدەپ ئاندىن ئۇنىڭ ئاستىدىكى سىزىقنىڭ ئاستىغا چاپلاپ قويسىڭىز بولىدۇ. ساقلىغاندىن كېيىن ئارقا سەھنىدە يازغان ماقالىلەردە ئۇيغۇرچە ھەرپ بەلگىلەر بىلەن لاتىچنە ھەرپ بەلگىلەرنىڭ ئورنى ئالمىشىپ كەتسىمۇ بلوگ ئالدى بېتىدە كۆرۈنگەندە ئالمىشىپ كەتمەيدۇ.

Yahoo بىلەن Google نىڭ تۇنجى ھەمكارلىقى

تۆنۈگۈن Yahoo شىركىتى OpenSocial غا قاتنىشىدىغانلىقىنى بىلدۈردى. OpenSocial بولسا Google شىركىتى چىقارغان ئىجتىمائىي مۇلازىمەتلەر توپلىمى بولۇپ، ئۇنىڭدا Youtube, MySpace, Hi5, Orkut, Facebook قا ئوخشاش داڭلىق ئىجتىمائىي تور بېكەتلەر ئۆزلىرىنىڭ ئەزا ئۇچۇرلىرى ۋە ماتېرىياللارنى ئورتاقلاشتۇرۇپ بىرلا مۇلازىمىتېردا ساقلايدۇ، بۇ ئارقىلىق ھەرقايسى ئىجتىمائىي تور بېكەتلەرنىڭ ئىشلەتكۈچىلىرىگە كۆپ قولايلىقلارنى يارىتىدۇ. بىر تور بېكەتكە تولدۇرغان ئەزالىق ئۇچۇرلىرىنى يەنە بىر تور بېكەتكە قايتا تولدۇرۇش ھاجەتسىز، بىرلا ئاچقۇچ بىلەن ھەممە تور بېكەتكە كىرگىلى بولىدۇ. بىرلا پارچە رەسىمىڭىزنى چىقىرىپ قويسىڭىز ھەممە ئىجتىمائىي تور بېكەتلەردە كۆرۈنىدۇ. Yahoo گەرچە مىكروسوفتنىڭ ئەڭ يېقىنى ھىسابلانسىمۇ، مىكروسوفت بىلەن قاتتىق رىقابەتلىشىدىغان Google شىركىتى چىقارغان مەزكۇر پلانغا قاتناشتى.