A turkology blog

Archive for ئىيۇل, 2008

Knol ئارقىلىق Adsense ھىساباتى ئېلىش ئۇسۇلى

بۇ ئۇسۇل ھازىرچە مۇتلەق ئىشەنچىلىك 100 پېرسەنت ئۈنۈملۈك ئۇسۇل. ئانچە – مۇنچە ئېنگلىزچە بىلىشىڭىز كېرەك. قىلىدىغان ئىشلار تۆۋەندىكىچە : ئاۋال بىر دانە Gmail ھىساباتىڭىز بولسۇن. تور بەت بولمىسىمۇ بولىدۇ.
1. Gmail گە كىرىڭ.
2. Gmail نى ئېتىڭ ۋە تور كۆرگۈچكە بۇ ئادرېسنى يېزىڭ knol.google.com
3. ئاۋۇ ئادرېسقا كىرگەندىن كېيىن بىر ھىسابات قۇرۇشنى تەلەپ قىلىدۇ، مەخپى نومۇرنى كىرگۈزسىڭىزلا بۇرۇنقى Gmail ئارقىلىق كىرگىلى بولىدىغان بىر knol ھىساباتىغا ئېرىشىسىز.
4. كىرىپ بولغاندىن كېيىن ئوڭ تەرەپتىكى write a knol دىگە كونۇپكىنى چېكىڭ. ئاندىن ئوڭ ئۈستى تەرەپكە قارىسىڭىز settings دەپ بار، شۇنى چېكىپ كىرىڭ. ئۈچ خىل تاللاش بار. ئوتتۇردا Adsense دىگەن تاللاش تۈرى بار، شۇنى تاللاڭ.
5. ئەمدى ئاستىدىكى Create a new Google AdSense account
دىگەن تۈرنى تاللاڭ.
AdSense email – غا Gmail نى يېزىپ قويۇڭ.
Knol language دىگەن تۈرگە English نى تاللاڭ.
Email language دىگەن تۈرگە سىز بىلىدىغان خالىغان تىلنى تاللاڭ.

ئاندىن سول ئاستى بۇرجەكتىكى save دىگەن كونۇپكىنى بېسىڭ، ۋە Email خەت ساندۇقىڭىزنى ئېچىڭ. بۇ چاغدا سىزگە بىر ئۇچۇر كېلىدۇ، شۇ ئۇچۇرنى تولدۇرۇپ ئەۋەتسىڭىز بولىدۇ. (دىققەت : بۇ ئۇچۇر دەل Adsense ئىلتىماس قىلىش تەپسىلى جەدۋىلى بولۇپ، بىز بۇ ھەقتە ئىلگىرى توختالغان، قايتا سۆزلىمەيمىز. بۇ ئۇچۇرنى تولدۇرۇش ئۈچۈن ئەگەر خەنزۇچە ئىشلەتمەكچى بولسىڭىز يۇقىرىدىكى Email Language دىگەن تۈرگە Chinese نى تاللىشىڭىز كېرەك.)
بىر قىسىم ئاتالغۇلار ھەققىدە :
Knol دىگەن نىمە؟ بىرىنچى جاۋاب، ئىككىنچى جاۋاب
يەنە بىر قىسىم كۆپ ئۇچرايدىغان مەسلىلەر :
Knol ئارقىلىق Adsense ھىساباتى ئالغاندىن كېيىن چوقۇم Knol دا ماقالە يېزىشىم كېرەكمۇ؟
ياق، ئۇنداق قىلىش ھاجەتسىز، ئەمما ئېلان سىز يازغان ماقالە ئەتراپىدا كۆرۈنىدىغان بولغاچقا ماقالە يازمىسىڭىز كىرىم بولماسلىقى مۇمكىن.
Knol ئارقىلىق ئالغان Adsense ھىساباتىنىڭ ئېلان كودىنى باشقا تور بەت ياكى بلوگقا قويسام بولامدۇ؟
ئەلۋەتتە بولىدۇ. Adsense ھىساباتى ئالغاندىن كېيىن ئۇنى ھەرقانداق سىزنىڭ تور بېتىڭىزگە قويسىڭىز بولىۋېرىدۇ، چوقۇم Knol نىڭ ئىچىدە ئېلان كۆرسىتىش دەپ بەلگىلىمە يوق.

Google Knol ئارقىلىق پۇل تېپىش

شەرتى : ئېنگلىزچە بىلىشىڭىز كېرەك. ئۇنىڭدىن باشقا شەرت يوق، ئادەتتە بلوگ يازغانغا ئوخشاش ئېنگلىزچە ماقالە يازىسىز. يازغان ماقالىڭىز ئوقۇلسا سىزگە پۇل كىرىم بولىدۇ. قانچە بالدۇر باشلىسىڭىز شۇنچە ياخشى.
ئاۋال بىر قانچە چۈشىنىكسىز مەسلىگە جاۋاب بېرىپ ئۆتەيلى !
توردا ئوچۇق ئېنسكلوپېدىيە دەيدىغان نەرسە پەيدا بولدى. يەنى ئوچۇق ئېنسكلوپېدىيەنى يازغۇچىلار ھەرقانداق ئادەم بولسا بولىدۇ. يەنى ئۆزى يازماقچى بولغان نەرسىگە نىسبەتەن چوڭقۇر چۈشەنچىگە ئىگە ئادەم بولسىلا كۇپايە. Wikipedia دەل شۇنداق ئوچۇق قامۇستۇر.
ئەمدى بىز تونۇشتۇرماقچى بولغان Knol غا كەلسەك ئۇمۇ ماھىيەت جەھەتتىن wikipedia گە ئوخشايدۇ. ئەگەر ئۇنى يېزىشقا قاتنىشىپ قالسىڭىز سىز ئۆز ماقالىڭىزدا تەشۋىق قىلىنىپ، بەلگىلىك تەسىرگە ئىگە يازغۇچىغا ئايلىنىپلا قالماستىن يەنە، Google شىركىتى سىزنىڭ ماقالىڭىزنىڭ ئەتراپىغا Adsense ئېلانى قويىدۇ. ماقالىڭىز قانچە كۆپ ئوقۇلسا، ئادەملەر قانچە كۆپ كۆرسە، ئېلان شۇنچە كۆپ چېكىلىدۇ. ھەمدە بۇ ئېلان چېكىلىشلەردىن بولغان كىرىم سىزگە يوللىنىدۇ.
دىمەك يازغۇچى بولۇپ قەلەم ھەققى ئالغاندەكلا ئىش. ئەمما ئېنىقكى گېزىت – ژۇرناللار بەرگەن قەلەم ھەققىدىن نەچچە ھەسسە يۇقىرى بولىدۇ. چۈنكى Google نىڭ ھەر بىر ئېلانى چېكىلگەندە ئېنگلىزچە ئېلان بولسا 0.5 دوللاردىن 30 دوللارغىچە كىرىم بولىدىغان ئەھۋاللار بار. مەن بىر چېكىلىشى 30 دوللارلىق ئېلاننى ئۇچرىتىپ باقمىدىم، ئەمما 2.5 دوللارلىق ئېلاننى ئۇچرىتىپ باقتىم.
Knol تورغا نىسبەتەن تېخى ھەپتە ئىلگىرى ئېلان قىلىنغان يېڭى پروگرامما، كىمىكى ۋاقتنى چىڭ تۇتۇپ، بالدۇر باشلىسا شۇنچە بالدۇر نەپكە ئېرىشىدۇ.
يەنە بىر سۇئال : ئۇنىڭدا نىمە يازىمىز ؟
نىمە يېزىش چەكلەنمەيدۇ، ئەمما ئىنسانىيەتكە پايدىلىق ھەر قانداق بىلىم بولسا بولىدۇ. بۇ جەرياندا قانۇن-تۈزۈملەرگە رىئايە قىلىشىڭىز ھەمدە باشقىلارنىڭ ھوقۇقىغا دەخلى قىلماسلىقىڭىز. توردا ئەخلاقسىز تارقاتماسلىقىڭىز لازىم.
سىز يازىدىغان ماقالە «گالىستۇق دىگەن نىمە؟» ، «ئاسماندا قانچە قۇياش بار؟»، «بىر ھەپتىدە يەتتە كۈن بار» دىگەندەك ئاددى ماقالىلەر بولسىمۇ ياكى «كەڭ دائىردىكى نىسپىيلىك نەزىريىسى ۋە ئۇنىڭ قوللىنىشى» دىگەندەك مۇرەككەپ ئىلىم-پەن ماقالىلىرى بولسىمۇ بولىۋېرىدۇ.
خوش ! ئۇنداقتا knol دا ئېلان كۆرسىتىش ۋە كىرىم قىلىش ئۈچۈن ماقالە يېزىشتىن ئاۋال بىر تەڭشىۋىتەيلى.
ئاۋال knol.google.com دىن ئۆزىمىزنىڭ ھىساباتىنى ئېچىپ، ئۇنىڭ ئىچىدىكى Manage بېتىگە كىرىپ، General دىگەن بۆلەكنىڭ ئەڭ ئاستىغا قارىساق show ads دەپ بىر تۈر بار، شۇ تۈرنى تاللاپ قويساقلا، بىز يازغان ماقالىلار ئالتۇن توخۇم تۇغۇشقا باشلايدۇ.
بۇ ئارقىلىق ئېرىشىلگەن كىرىمنى قولغا ئېلىش جەريانى Google Adsense بىلەن تامامەن ئوخشاش، ياكى دەل ئۆزى شۇ !
ئەمسە ئىش باشلاڭ ! ئادرېسى : knol.google.com

Google Knol ئېلان قىلىندى

ئۆتكەن يىلى تەكلىماكان بلوگدا Knol نامىدىكى ئېنسكلوپېدىيە چىقىدىغانلىقى ھەققىدە خەۋەر بەرگەن ئىدۇق. ئۇ ئەمدى رەسمىي ئېلان قىلىندى. ئۇنىڭ باشقا ئوچۇق ئېنسكلوپېدىيىلەردىن پەرقلىنىدىغان بىر قانچە ئەۋزەللىكلىرى بار:
1. Knol دا ماقالە يازغۇچىلارنىڭ رەسىمى ۋە قىسقىچە تەرجىمھالى ماقالىنىڭ يېنىدا كۆرۈنىدۇ، بۇ ئاپتورلارنىڭ ئۆزىنى تېخىمۇ بەكرەك نامايان قىلىشىغا پايدىلىق.
2. نولدا ئەسەر يازغان ئاپتورلار باشقا ئاپتورلار بىلەن تولۇق ھەمكارلىق ئورنىتالايدۇ، باشقىلارنىڭ ماقالىسىگە ئىنكاس يازالايدۇ، باھا بېرەلەيدۇ. ياخشى يېزىلغان ماقالىلەر بېلەت تاشلىنىپ تاللىنىدۇ. توغىرلىق دەرىجىسى ئاشۇرلىدۇ.
3. نولدا ئەسەر يازغان ئاپتورلار ئۆزى يازغان ماقالىنىڭ ئوقۇلۇش ئەھۋالىغا ئاساسەن بەلگىلىك كىرىمگە ئىگە بولالايدۇ.
شۇڭلاشقا Google ئۆزى بىلگەن بىلىملەرنى يېزىش ئۆزىگە ئىقتىسادىي جەھەتتىن مەنپەئەت ئېلىپ كېلىپلا قالماستىن يەنە ئۆزىنى نامايان قىلغىلى ۋە بىلىم دائىرسىنى كېڭەيتكىلى بولىدىغان ياخشى ئۇسۇلدۇر.
گۇگول Knol ئادرېسى : Knol.google.com
Google Knol ئارقىلىق پۇل تېپىش ئۇسۇلىنى بىز پۇل تېپىش پۇرسىتى دىگەن تۈر ئىچىدىكى يازمىلاردا تەپسىلى تونۇشتۇرىمىز.

Gmail دە ئۈچۈنچى بىر تەرەپ خەتنى كۆرۈۋېلىشتىن ساقلىنىش

Gmail بىخەتەر كىرىش ئۇسۇلى بىلەن تەمىنلىگەن بولۇپ، ئەگەر شۇ خىل بىخەتەر ئۇسۇلدا Gmail ھىسابىڭىزغا كىرسىڭىز سىزگە كۆرسىتىلگەن ئۇچۇرلار يەتكۈزۈلۈش جەريانىدا مەخپىيلەشتۈرۈلىدۇ. بۇ خىل ئۇسۇل ھازىر بانكا ۋە تور سودا ئىشلىرىدا قوللىنىلىۋاتىدۇ. بۇنىڭ ئۈچۈن بىۋاستە http://www.gmail.com غا كىرمەستىن،
https://mail.google.com غا كىرىشىڭىز كېرەك.
ئۆتكەندە http ۋە https نىڭ پەرقى ھەققىدە توختالغان ئىدۇق.
Google بۈگۈن بۇنى تېخىمۇ ئاددىيلاشتۇرۇپ، Gmail ھىساباتى ئىچىدە http ياكى https ئارقىلىق زىيارەت قىلىشنى ئالدىن بەلگىلەيدىغان قىلىپ قويۇپتۇ، ئەگەر Gmail نىڭ ئىچىدە بانكا ئۇچۇرلىرى ۋە مۇھىم ھىسابات ئۇچۇرلىرىنى ساقلىسىڭىز داۋاملىق https ئارقىلىق زىيارەت قىلىشنى تاللاپ، ئۈچۈنچى بىر تەرەپنىڭ بۇ ئۇچۇرلارنى كۆرۈۋېلىشىدىن ساقلىنالايسىز.
ئەڭ ئاددى ئۇسۇلى:
Gmail ھىسابىغا كىرگەندىن كېيىن ئوڭ ئۈستى بۇرجەكتىكى «بەلگىلەش» ئورنىنى ئېچىپلا ئەڭ ئاستىغا قارىسىڭىز http ياكى https ئارقىلىق زىيارەت قىلىشنى تاللاش ئورنى بار. داۋاملىق https ئارقىلىق كىرىشنى تاللاپ قويغاندىن كېيىن سىز بىۋاستە http://www.gmail.com نى ئېچىپ كىرسىڭىزمۇ يەنىلا https ئارقىلىق كىرىدۇ.
تۆۋەندىكى رەسىمدەك:

بۇ ئۇسۇل ھازىر ئەڭ بىخەتەر بولۇپ، بارلىق بانكا، خەلقئارا پۇل-مۇئامىلە شىركەتلىرى ۋە توردا ئېلىم-بېرىم قىلىدىغان بېكەتلەرنىڭ ھەممىسى قوللانغان.

ئۇيغۇرچە Firefox نى چىقىرىشقا كۈچەيلى!

مەن ئەڭ ياقتۇرىدىغان ھەمدە توردا تارقىلىشى ئەڭ تېز بولىۋاتقان تور كۆرگۈچ Firefox نىڭ ئۇيغۇرچە نەشىرى جىددى ئىشلىنىۋاتىدۇ. بۇ ئىش تېخىمۇ كۆپ كىشىلەرنىڭ قاتنىشىپ بىرلىكتە ۋۇجۇدقا چىقىرىشىغا مۇھتاج.
ئۇيغۇرچىلاشتۇرۇش ئۈچۈن بۇ بەتكە كىرىڭ.
بىلىك كۇلۇبىدىكى مۇناسىۋەتلىك ماقالە


Blog*Spot نىڭ مالايچە نۇسخىسى چىقتى

بۈگۈن Blogger Team بلوگنىڭ مالايچە نۇسخىسىنى ئېلان قىلدى. شۇنداق قىلىپ Blogger ئارقا سەھنىسىگە يەنە بىر تىل قوشۇلدى. Google بلوگ مۇلازىمىتىنىڭ ئىنتايىن كۆپ مالاي تىلىدا سۆزلەيدىغان ئىشلەتكۈچىلىرى بار. ئۇيغۇر تىلىنىڭمۇ بالدۇرراق بۇ سەھنىگە چىقىشىغا تىلەكداشىمىز.

360 بىخەتەر تور كۆرگۈچ تارقىتىلدى

360 بىخەتەرلىك قورالى خېلى كۈچلۈك ۋىروسخور ئىدى. ئۇلار بورناكۇن يەنە بىخەتەر تور كۆرگۈچ تارقىتىپتۇ، مېنىڭچە ئىشلىتىپ بېقىشقا ئەرزىيدۇ. چۈشۈرۈش ئورنى

ئەلى موما (阿里妈妈) پۈتۈنلەي يېڭى ئېلان سۇپىسى ئەمەس

دۆلەت يڭىراقتا پەيدا بولغان ئەلى موما ئېلان سۇپىسى پۈتۈنلەي يېڭى ئۇسۇلدا بازار ئاچىمىز دىگەن ئىدى، ئەمما ئۇنىڭ ئىشلىتىۋاتقىنى ئامېرىكىنىڭ Text Link Ads بىلەن ئوپمۇ-ئوخشاش ئەندىزە ئىكەن. Google Adsense بىلەن سېلىشتۇرغاندا ئۇنىڭ ئارتۇقچىلىقى باشقىلار تور بېكىتىڭىزدىكى ئېلان ئورنىنى سېتىۋالسا ئايدا مۇقىم كىرىمگە ئىگە بولىسىز، يېتەرسىزلىكى ئېلان باھاسى ئىنتايىن تۆۋەن.
باشقىلار سىزنىڭ ئېلان ئورنىڭىزنى سېتىۋېلىشتىن بۇرۇن سىز ئەلى موما باش بېتىنىڭ ئېلانىنى تەشۋىق قىلىپ بېرىسىز. ئۇلارنىڭ ئۆزىنىڭ تور بېكەت ئېقىمى ھەسسىلەپ ئاشىدۇ. باشقىلارغا ئېلان ئېلىپ، ساتىدىغان سۇپا ھازىرلاپ بېرىمىز دىگەن ۋەدىسى بىلەن ئۆزىنى ھەقسىز ئېلان قىلىدىغان ئەڭ چوڭ سورۇنغا ئىگە بولىدۇ.
ئەلى مومادىكى ئېلانلارنىڭ باھاسى تۆۋەن، ھەم ئېلان ئورنى سېتىۋالغۇچىلار ئاساسەن ئېقىمى يۇقىرى بېكەتلەرنى تاللايدىغان بولغاچقا شەخسلەر بلوگى نىسبەتەن ماس كەلمەيدۇ ياكى يۇقىرى كىرىمگە ئىگە بولالمايدۇ.

شىۋىتسىيىدە جۇغراپىيە ئىلمىدە ھەقسىز ماگىستىرلىق ئوقۇش پۇرسىتى

ئەسكەرتىش : مەزكۇر ئۇچۇر مەرىپەت تورىدا تەمىنلەندى. بارلىق ھوقۇق ۋە مەسئۇلىيەت مەرىپەت تورىغا تەۋە. ئوقۇش پۇرسىتى ئۇچۇرلىرىدا تېمىنىڭ يېزىلغان ۋاقتىغا دىققەت قىلغايسىز. بۇ يەردىن كۆرۈڭ.

بلوگ ئېلانىنىڭ ئۈنىمى تور بېكەت ئېلانلىرىدىن يۇقىرى

يېقىنقى بىر مەزگىلدىن بۇيان ئادەتتىكىدەك كىچىك بلوگلارغا ئېلان بىلەن تەمىنلىمەيدىغان شىركەتلەرمۇ مەخسۇس بلوگ ئېلان سەھىپىلىرى ئاجراتتى. ئالايلى Google ۋە Yahoo نى مىسالغا ئالساق ئىلگىرى پەقەت بىرىنچى دەرىجىلىك تور نامى ئاستىدىكى ئالتە ئايدىن ئۇزۇنراق ماڭغان چوڭ تور بېكەتلەرگىلا ئېلان ھىساباتى تەمىنلەيتتى. بۈگۈنكى كۈندە ئېلان قويۇشقا بولىدىغان ۋە ئۆزىنىڭ «ئىشلىتىش كىلشىمى» گە ئۇيغۇن كەلگەن بارلىق بلوگ ۋە بېكەتلەرگە ئېلان تەمىنلىدى. Niffnang ۋە BlogAds دەيدىغان مەخسۇس شىركەتلەر قۇرۇلدى. Payperpost قا ئوخشاش بلوگ ئېلان شىركەتلىرى فوربۇسقا ئوخشاش جاھاندىكى داڭلىق ژۇرناللاردا تەكرار – تەكرار تىلغا ئېلىندى. ئەجەبا ئۇلار كىچىك بلوگلارنى بۇنچىۋالا كۆتۈرۈپ نىمە قىلماقچى؟ ئۇلارغا قانچىلىك پايدا يارىتىپ بەرمەكچى ؟
ھەر قانداق مەزمۇن بىلەن بېزەلگەن تور بېكەتنىڭ مەزمۇنىنى تورداشلار بەرپا قىلغان، بولۇپمۇ چوڭ – چوڭ تور بېكەتلەرنىڭ مەزمۇنى زور كۆپچىلىك بېكەت ئەزالىرى تەرىپىدىن يېزىلغان. مەسلەن مۇنبەر ۋە باشقا web2.0 لەر ….
بۇ يەردىكى مەزمۇن بەرپا قىلىۋاتقان زور كۆپچىلىك كىشىلەرنىڭ، بولۇپمۇ ئۆزلۈكسىز يېڭى مەزمۇنلارنى قوشۇپ، ئىنتېرنېتنى بېيىتىپ كېلىۋاتقان زور كۆپچىلىك كىشلەرنىڭ تورتۇراسى بار، ئۇلارنىڭ بولۇپلا قالماي داڭلىق ئالىملار ياكى يازغۇچىلار ئۆزىنىڭ ئەسەرلىرىنى، تەتقىقات نەتىجىلىرىنى بلوگدا ئېلان قىلىدىغان بولدى. ھەر قانداق ئادەمگە ئۆزىنى نامايان قىلىش پۇرسىتى ھازىلاپ بېرىدىغان ھەقسىز بوشلۇقلار بلوگنىڭ تەرەققىياتىنى ئىلگىرى سۈردى.
شۇڭلاشقا مۇنداق يەكۈنلەشكە بولىدۇ : بلوگنىڭ مەزمۇنى تېخىمۇ يېڭى، تېخىمۇ پاكىزە؛ ھەرقانداق ئادەم تەسەۋۋۇر قىلغاندىمۇ بەكرەك ئىندىۋىدۇئال؛ ئىنتايىن جانلىق، ساپ ھەم يېڭىلىق يارىتىش روھىغا باي ! ھەممە داڭلىق بلوگنىڭ ئىنتايىن مۇقىم ئوقۇرمەنلىرى بار. خۇددى داڭلىق مۇنبەرلەرنىڭ مۇقىم ئەزالىرى بولغاندەك.
بۇ ھال بلوگدا قويۇلغان ئېلانلارنى تېخىمۇ سۈپەتلىك ۋە تېخىمۇ مۇقىم كۆرگۈچىلەرگە ياكى ئىشەنچىلىك، قىممىتى يۇقىرى خېرىدار مەنبەسىگە ئىگە قىلىدۇ.
نىمە ئۈچۈن بلوگدا قويۇلغان ئېلاننىڭ ئۈنىمى يۇقىرى بولىدۇ ؟
ئېلان ئىنتايىن نىشانلىق ۋە دەل قويۇلىدۇ. بلوگ ئۇنۋېرسال تور بېكەت ئەمەس، ئۇنىڭدا ھەممە نەرسە يوق، پەقەت مەلۇم كەسپنىڭ مەلۇم تۈرىدىكى مەزمۇن بار. شۇنداق بولغان ئىكەن پەقەت بلوگ مەزمۇنى بىلەن مۇناسىۋەتلىك ئېلانلار قويۇلىدۇ، بلوگ ئوقۇرمەنلىرىمۇ بۇ ئېلانغا قىززىقماي قالمايدۇ ھەم ئېلاندا تونۇشتۇرۇلغان مەھسۇلاتنىڭ خېرىدارى بولۇش نىسبىتى ھەرقانداق باشقا بېكەتتىن يۇقىرى بولىدۇ.
بلوگدىكى ئېلاننى كۆرگۈچىلەر تور بېكەتكە قارىغاندا ئاز ئەمما ساز؛ ئاز ئادەم كۆرگەن بىلەن دەل ئادەملەر كۆرىدۇ. چوڭ تىپتىكى ياكى ئادەم ئىنتايىن كۆپ كىرىدىغان بىر ئۇنۋېرسال تور بېكەتكە قويۇلغان ئېلانمۇ ئاخىرى شۇ ئېلاندىكى مەزمۇنغا قىززىقىدىغان كىشىلەر تەرىپىدىن قارشى ئېلىنىدۇ. باشقىلارنىڭ نەزىرىدە سەت كۆرۈنىدۇ. ئەمما بلوگدا ئاساسەن ئۇنداق بولمايدۇ، چۈنكى ئېلان بلوگ مەزمۇنى بىلەن ئوخشاش (بولىشى كېرەك. بۇنى ئېلان بەرگۈچى ياكى ئېلان ۋاكالەتچى شىركەتنىڭ ئاپتوماتىك تەمىنلەش سېستىمىسى بەلگىلەيدۇ.)
بلوگ ئېلانلىرىنىڭ باھاسى تۆۋەن، چوڭ بىر تور بېكەتكە ئېلان بېرىش ئۈچۈن سەرپ قىلغان پۇلنىڭ 100 دىن بىرىچىلىكلا پۇل بىلەن داڭلىق بلوگدا ئېلان بېرىشكە بولىدۇ. ئىنتايىن ئاز پۇل خەجلاپلا بەلگىلىك يۇقىرى ئۈنۈم ياراتقىلى بولىدۇ.