يەرشارىدىكى ئەڭ مۇقىم بلوگ سۇپىلىرى

بىز BlogSpot ئىشلىتىۋاتىمىز. ئەلۋەتتە بۇندىن باشقا يەنە نۇرغۇن مۇقىم ۋە ئىشەنچىلىك بلوگ سۇپىلىرى بار. بلوگ ئىقتىدارى بەك ياخشى بولسىمۇ، مۇقىم ئېچىلمىسا پوققا تەڭ! يېقىندا Pingdom تورى ھازىرغىچە ئەڭ مۇقىم مېڭىۋاتقان 9 چوڭ تور بېكەتنى مۇقىملىق دەرىجىسى بويىچە تىزىپ ئىشەنچىلىك بلوگ سۇپىلىرى دەپ ئېلان قىلدى. تۆۋەندىكى جەدۋەلنى كۆرۈڭ.

Advertisements

داڭلىق بلوگنى قانداق يېزىپ چىقىمىز؟

بلوگنى سىز مەيلى نىمە مەقسەتتە يېزىڭ، ئۇنىڭ بىر ياخشى ئۇسۇلى بار. ئەگەر سىز يازغۇچى، شائىر، تەتقىقاتچى-ئالىم، سودىگەر ۋە مەخسۇس بىر كەسپ ئىگىسى بولسىڭىز ئۆز كەسپىڭىزدىكى تەجىربىلىرىڭىزنى يازسىڭىز بولىدۇ. سىز بىلەن ئوخشاش كەسپتىكىلەر ۋە يېڭى ئۆگەنگۈچىلەر سىزنىڭ مەڭگۈلۈك ئوقۇرمەنلىرىڭىزگە ئايلىنىدۇ. ئەگەر سىز يۇقارقىلار بولمىسا مۇنداق يازىسىز.
1. بلوگ مەزمۇنىنى تاللايسىز.
بلوگ ھەرگىز ئۇنۋېرسال بولمىسۇن. چۈنكى ئۇنۋېرسال-ھەممەباب تور بەتلەر بەك كۆپ. ھەقسىز مۇلازىمىتېردە قۇرغان كىچىك بىر بلوگ يەرشارىدىكى ھەممە مەزمۇننى ئۆز ئىچىگە ئالسا كۆرۈنەرلىك يازمىلار چىقمايدۇ. ھەم كىشىلەر قىزىزقمايدۇ. قىسقىسى ياراشمايدۇ.
ئۇنداقتا نىمە مەزمۇندا يېزىش كېرەك؟
نۇرغۇن دوستلار بۇنى ئويلاشقاندا ئۇيغۇرلاردا ھازىر مانداق تور بەت يوقكەن، مۇشۇ مەزمۇندا قۇرسام بولغۇدەك دەپ ئويلايدىكەن. مەنچە بۇ كۆز – قاراش خاتا. سىز چوقۇم بۇ بوشلۇقنى تولدۇرالىشىڭىز ناتايىن.
بلوگ مەزمۇنى- چوقۇم چوقۇم چوقۇم سىز ئەڭ قىزىقىدىغان تېمىلار ئۈستىدە بولىشى كېرەك. سىز پەقەت ئۆزىڭىز ئەڭ قىززىققان ئىشنىلا ئەڭ مۇكەممەل ۋە باشقىلاردىن ئاشۇرۇپ قىلالايسىز.
مەسلەن سىز بېلىق تۇتۇشقا قىززىقىسىز. ئۇنداقتا ھىچ ۋاقەسى يوق. دەرھاللا دۇنيادىكى بېلىقنىڭ تۈرلىرى ۋە بېلىق تۇتۇش ھەققىدە يېزىڭ. بېلىق تۇتىۋاتقان كۆرۈنۈشلەرنى رەسىمگە ئېلىپ يوللاپ تۇرۇڭ…. دىگەندەك.
بۇنداق بولغاندا مەزمۇن دائىرسى بەك چەكلىك بولۇپ قالامدۇ؟
بۇ سۇئالنىڭ جاۋابىغا يازما داۋامىغا دىققەت قىلىڭ.
2. مەنبەلەرنى تولۇقلاش
چوقۇم Google Reader گە ئوخشاش ئېلخەت ئارقىلىق تور بەتلەردىن يېڭى مەزمۇن ۋە يېڭىلانغان مەزمۇننى ئاپتوماتىك قوبۇل قىلىدىغان ئوقۇغۇچ ئىشلىتىڭ. ئادرېسى reader.google.com
بۇ ئوقۇغۇچقا ئۆزىڭىزنىڭ بلوگ مەزمۇنىغا مەزمۇنداش بولغان داڭلىق باشقا بلوگلارنى ۋە باشقا تىلىدىكى بلوگلارنى قوشۇڭ. ئۇلارنىڭ ئۇتۇق قازانغان يازمىلىرىدىن ئۆرنەك ئېلىڭ. مۇۋاپىقلىرىنى تەرجىمە قىلىڭ. مۇۋاپىقلىرىنى ئۆزلەشتۈرۈڭ. 10 يېڭى مەزمۇن قوبۇل قىلسىڭىز ھەممىنى بىراقلا تەرجىمە قىلىپ يوللاۋەرمەڭ. شۇلارنىڭ ئىچىدە سىزنى ئەڭ تەسىرلەندۈرگەن ياكى سىزگە ئەڭ ياققاننى ئۆزلەشتۈرۈڭ. بۇنداق قىلغاندا مەنبەسىنى چوقۇم ئەسكەرتىڭ.

Blogbus دىن BlogSpot قا كۆچۈش ئۇسۇلى

Blogbus دىن Blogspot ياكى Blogger غا بىۋاستە كۆچكىلى بولمايدۇ. ئەمما Blogbus دىن WordPress كە كۆچكىلى بولىدىكەن. ھەم WordPress دىن Blogger.com غا بىۋاستە كۆچكىلى بولىدۇ. شۇڭلاشقا سىز ئەگەر Blogbus دىن Blogspot.com غا يۆتكەلمەكچى بولسىڭىز، ئاۋال Blogbus دىكى يازمىلارنى wordpress كە كۆچۈرۋېلىپ، ئاندىن wordpress دىن Blogger غا كۆچۈڭ.
تەپسىلى رەسىملىك چۈشەندۈرۈشى ئىزدەنگۈچىلەرگە قالدى. رەھمەت.

Google بلوگ يۆتكەش قورالى 1.0 ئېلان قىلىندى

Blogbus ياخشىمۇ wordpress ياخشىمۇ؟ قايسى ياخشى بولسا شۇنىڭغا كۆچسىڭىز بولىدۇ. ئەلۋەتتە بۇ سىزنىڭ تاللىشىڭىز. قانداق كۆچۈش مەسلىسى باش قايدىغان مەسلە ئىدى. ئۆتكەن ھەپتە گۇگول شىركىتى بلوگ كۆچۈرۈش قورالىنى ئېلان قىلدى. بۇ قورال ئارقىلىق livejournal, wordpress,blogger قاتارلىق يەرشارىدىكى كۆپلىگەن داڭلىق بلوگلاردا يازغان بلوگىڭىزنى ئۆزىڭىز كۆچمەكچى بولغان بلوگ مۇلازىمەت سۇپىسىغا يۆتكەشكە بولىدۇ. بىر نەچچە كونۇپكا بىلەنلا ئاسان كۆچەلەيسىز.
دەسلەپ بلوگ يازغاندا uyghur.cn/blog نى ئىشلەتكەن. كېيىن بۇ مۇلازىمەت مۇقىم بولمىدى. ئۇنى Blogspot قا كۆچۈرگىلى بولماي نۇرغۇن يازمىلار يوقالدى. بىر مەزگىل Blogspot ئېچىلماس بولۇپ قالغاندا Blogbus ئىشلەتكەن ئىدىم. Blogspot دىكى يازمىلارنى زاپاسلاپ چىقارغىلى بولسىمۇ بۇ ھۆججەتنى Blogbus قوللىمىدى. شۇنىڭ بىلەن Blogspot بىلەن blogbus ئارىسىدا كۆچۈشنى ئەمەلگە ئاشۇرغىلى بولمىدى. مەن يەنە بىر مەزگىل z-blog نى ئىشلەتتىم. شەخسى بوشلۇق ئىشلىتىپ بلوگ ئېچىشنىڭ كۆپ ئاۋارچىلىق ئىكەنلىكىنى بايقاپ، ئۇنى Blogspot قا كۆچۈرەي دىسەم كۆچۈرىدىغان ئۇسۇل يوق. شۇنىڭ بىلەن ئاخىرى نۇرغۇن يازمىلار يەنە يوقالدى.
Google شىركىتىنىڭ بۇنداق ئېسىل بىر قورالنى ئېلان قىلىشى مېنىڭچە ماڭا ئوخشاش مىڭلىغان بلوگ يازغۇچىلارنىڭ ئالقىشىغا ئېرىشىدۇ.
دوستانە ئەسكەرتىش: بۇ قورال تېخى 1.0 نۇسخا، ئىشلەتكەنلەردىن ئاڭلىشىمچە wordpress ۋە livejournal ،گۇگول blogger ئارسىدا مۇۋەپپەقىيەتلىك ئىشلەپتۇ. مېنىڭچە بىز ئىشلىتىۋاتقان blogbus ، ئۇزبلوگلاردىمۇ ئىشلەيدۇ. چۈنكى ئۇزبلوگ wordpress ئىشلەتكەن. تېخى 1.0 نۇسخا بولغاچقا ھازىرچە سىزنىڭ بلوگىڭىزنى كۆچۈرۈشتە قىيىنچىلىق بولسا، گۇگولغا ئىنكاس يېزىڭ. تۆۋەندە ئەسلى ماقالە ئادرېسىمۇ بېرىلدى. ئەگەر ئىنكاس يازالمىسىڭىز تەكلىماكان بلوگقا ئىنكاس يېزىڭ. مەن ئۇلارنىڭ بلوگىغا ئۇلار چۈشەنگۈدەك تىلغا ئايلاندۇرۇپ يوللاپ قوياي. بۇ قورالنى مەن تېخى سىنىمىدىم. چۈنكى مېنىڭ كۆچۈش نىيتىم يوق ھازىرچە. سىناپ كۆرگەندىن كېيىن تېخىمۇ تەپسىلى ئىشلىتىش ئۇسۇلىنى يېزىپ قويۇشۇم مۇمكىن.
Google بلوگ يۆتكەش قورالى 1.0 چۈشۈرۈش ئادرېسى
Google ئوچۇق كود بلوگىدىكى ئەسلى ئۇقتۇرۇش

Blogspot قا سۆز قالدۇرۇش دەپتىرى قىستۇرۇش

ئىلگىرى دوستلار box.ws دىن سۆز قالدۇرۇش دەپتىرى ئېلىپ سىناپ باققان.بۈگۈن ئۇنىڭدىنمۇ ئىقتىدارلىق ھەم يازما بېتىگە قىستۇرغىلى بولىدىغان بىر سۆز قالدۇرۇش دەپتىرىنى بايقىدىم. خېلى مۇقىمدەك تۇرىدۇ. فونت ۋە بارلىق ئىقتىدار كونۇپكلىرىنى ئۇيغۇرچىگە تەڭشەشكە بولىدىكەن. سىرىتقى يۈزى پۈتۈنلەي ئۇيغۇرچە بولىدۇ.
قىلىدىغان ئىش جەمئى ئۈچ:
1. bravenet.com غا تىزىملىتىڭ. ۋە Guestbook دىگەن تۈر ئىچىدىن بىر سۆز قالدۇرۇش دەپتىرى ئېلىڭ. ئۇنى تەڭشەڭ. فونتلارنى UKIJ Tuz Tom غا ۋە بارلىق ئىقتىدار كونۇپكىلىرىنى ئۇيغۇرچىگە تەرجىمە قىلىپ قويۇڭ. بۇلارنى قىلغىلى بولىدىكەن. ئەمما مۇجمەللىكلەر بەك كۆپ ۋە تور بېكەتلەر بۇنداق نەرسىلەرنى پات-پات يېڭىلاپ تۇرىدىغان بولغاچقا مەن تەپسىلى رەسىملىك قىلىپ چۈشەندۈرمەي. ئىشقىلىپ ئانچە – مۇنچە ئېنگلىزچە خەت تونۇسىڭىز ۋە ياكى لۇغەتتىن پايدىلانسىڭىزلا قىلىپ كېتىسىز.
2. Get Code نى چېكىپ، بىرىنچى كاتەكتىكى سۆز قالدۇرۇش دەپتىرى كودىنى كۆچۈرۈڭ. ۋە بلوگىڭىزدىن يېڭى يازما يوللاش بېتى ئېچىپ ئۇنىڭ html تەھرىرلەش كۆزنىكىگە سۆز قالدۇرۇش كودىنى چاپلاڭ. يازما ماۋزۇسىغا سۆز قالدۇرۇش دەپتىرى ياكى GuestBook دەپ يېزىپ قويۇڭ. يازمىنى ئېلان قىلىڭ.
3. بايا ئېلان قىلغان يازمىنىڭ مۇستەقىل ئادرېسىنى كۆچۈرۈڭ. ۋە بلوگنىڭ مەلۇم يېرىگە سۆز قالدۇرۇش دەپتىرى دەپ يېزىپ، شۇ يازما ئادرېسىنى ئۇلىنىش قىلىڭ. شۇنىڭ بىلەن سۆز قالدۇرۇش دەپتىرى پۈتتى.
دىققەت قىلىڭ :

مەزكۇر سۆز قالدۇرۇش دەپتىرى 3-تەرەپ كودىغا تەۋە، بلوگقا ئېسىلغان ھەرقانداق بىر ئۈچۈنچى تەرەپ كودى بلوگنىڭ ئېچىلىش سۈرئىتىنى ئاستىلىتىدۇ.
BlogSpot نى ئەلالاشتۇرىدىغان تېخىمۇ كۆپ ئۇسۇللار

Blogbus دا يازما ئارىسىغا Google ئېلانى قىستۇرۇش

بۇ ئىشقا Blogbus ئىشلىتىۋاتقان نۇرغۇن قېرىنداشلار دىققەت قىلمىغاندەك تۇرىدۇ. ئەمەليەتتە يازما ئارىسىغا قىستۇرۇلغان ئېلاننىڭ ئۈنىمى ناھايىتى يۇقىرى. چېكىلىشىمۇ تەبئى ھالدا يۇقىرى بولىدۇ. گۇگول شىركىتىمۇ يازما ئارىسىغا ئېلان قويۇشنى كىلشىمگە خىلاپ ھىسابلىمايدۇ. تۆۋەندىكى رەسىمنى كۆرۈڭ. قايسى مەزمۇن، قايسى ئېلان ئىكەنلىكىنى بىر قاراپلا پەرق ئېتىش تەس.

ئەمما تېخى يېڭى قۇرۇلغان، كۆرۈلۈشى تۆۋەن بلوگلار بۇنداق ئۇسۇل قوللانسا، زىيارەتچىلەرنىڭ نەزىرىدىكى ئىشەنچ تۆۋەنلەپ كېتىشى مۇمكىن.
بۇ خىل ئېلان قويۇش ئۇسۇلى:
ئاۋال ئېلان كودىنى تەييارلىۋالىمىز. ئېلان كودىنىڭ ئىككى تەرىپىگە يۆلىنىش كودىنى قىستۇرىمىز. ئاندىن ئۇنى بلوگقا چاپلايمىز. تۆۋەندىكىسى تەييارلانغان ئېلان كودى، ئۆزىڭىزنىڭ بلوگىدا ئىشلەتكەندە pub نومۇرىڭىزنى ياكى پۈتۈن ئېلان كودىنى ئالماشتۇرۇڭ. مەزمۇن ئارىسىغا قىستۇرىدىغان ئېلان مېنىڭچە 336*280 لىك، مەزمۇن ئورنى كىچىك بلوگلاردا 250*300 چوڭلۇقتىكى بولسا بولىدۇ. ئۇنىڭدىن كىچىك بولسىمۇ مەيلى.

<!–
google_ad_client = ”pub-3657922656760675“;
/* 300×250, 创建于 08-2-12 */
google_ad_slot = ”9943629154“;
google_ad_width = 300;
google_ad_height = 250;
//–>

<script type="text/javascript"
src=“http://pagead2.googlesyndication.com/pagead/show_ads.js”>

دىققەت قىلىڭ: ئەگەر بلوگنىڭ يېزىقى ئۇيغۇرچە ياكى ئوڭدىن – سولغا بولسا ئېلان شۇ بويىچە ئىشلىتىڭ. ئەگەر بلوگ تىلى خەنزۇچە ياكى سولدىن-ئوڭغا بولسا يۇقارقى كودنىڭ ئەڭ ئاستىدىكى قۇردىكى float:left دىگەن خەتتىكى left سۆزىنى right سۆزىگە ئالماشتۇرۇپ ئىشلىتمىز. قىزىل بويالغىنى گۇگول ئېلان كودى، ئۆزىڭىزنىڭ كودىغا قىزىل بويالغان ئورۇننى ئالماشتۇرۇڭ.
ئېلان كودىنى ئۆزىڭىزنىڭ كودىغا ئالماشتۇرۇپ تەييارلاپ بولغاندىن كېيىن Blogbus ئۇسلۇبىغا كودنى چاپلايمىز.
Blogbus ئۇسلۇب تەھرىرلەش بېتىدىن detail-post نى ئاچىمىز. ۋە تۆۋەندىكى كودنى ئىزدەپ تېپىڭ.

ئېلان كودىنى مۇشۇ كودنىڭ ئاستىغىلا چاپلاڭ. شۇنىڭ بىلەن ئىش پۈتتى.